 На
вул Савецкай. Пабудавана ў 1864 г. з цэглы паводле праекта інжынера Кржыжаноўскага
на ўрадавыя сродкі з капітала, "всемилостивейше дарованного на возобновление
православных храмов в Белорусских губерниях", а таксама на сродкі прыхаджан.
Помнік архітэктуры рэтраспектыўна-рускага стылю. Мае кананічную 4-часткавую
падоўжна-выцягнутую прасторавую кампазіцыю: званіца, трапезная, малітоўная
зала, прамавугольная апсіда з 2 бакавымі рызніцамі. У сілуэце дамінуюць
макаўка шатровай 3-яруснай званіцы і цыбулепадобны купал на драўляным 8-гранным
барабане, узведзены над пакатым 4-схільным дахам асноўнага кубападобнага
аб'ему. Сцены расчлянёны лучковымі аконнымі праемамі і пілястрамі ў прасценках.
У дэкоры выкарыстаны прафіляваныя закамары (на бакавых фасадах), руставаныя
ліштвы, востравугольныя франтоны і аркатурныя фрызы. Драўляны разны іканастас
створаны адначасова з храмам. Скампанаваны з карынфскіх калонак, прафіляваных
карнізаў і раскраповак, ажурная разьба царскіх варот акаймоўвае абразы-тонда.
У інтэр'еры абразы 18-19 ст "Пакроў Маці Божай", "Маці Божая
з дзіцем Хрыстом і Іаанам" (прывезена з палаца ў в. Здзітава, датавана
1800 г), "Успенне Маш Божай", "Узнясенне", "Воін
з дзідай", "Афанасій Філіповіч", "Віленскія пакутнікі",
а таксама ілюстраванае Евангелле канца 18 ст.
|
Хостинг, антивирусы и другие IT-услуги от Support.by. Производство и монтаж сушильных камер - beros.by
